Poems
Rachayema samskrita bhavanam (रचयेम संस्कृत भवनम्)
Lyrics
ग्रामे नगरे समस्तराष्ट्रे
रचयेम संस्कृत भवनम्
इष्टिकां विना मृत्तिकां विना
केवलसम्भाषणविधया
संस्कृतसम्भाषणकलया
रचयेम संस्कृतभवनम् | रचयेम संस्कृत भवनम् ॥
शिशुबालानां स्मितमृदुवचने
युवयुवतीनां मन्जुभाषेण
वृद्धगुरूणां वत्सलहृदये
रचयेम संस्कृतभवनम् | रचयेम संस्कृत भवनम् ॥
ग्रामे नगरे समस्तराष्ट्रे ...
अरूणोदयतः सुप्रभातम्
शुभरात्रिं निशि संवदेम
दिवानिशं संस्कृतवचनेन
रचयेम संस्कृतभवनम् | रचयेम संस्कृतभवनम् ॥
ग्रामे नगरे समस्तराष्ट्रे ...
सोदर - सोदरी - भाव – बन्धुरं
मातृप्रेमतो बहुजनरूचिरं
वचनललितं श्रवणमधुरं
रचयेम संस्कृतभवनम् | रचयेम संस्कृतभवनम् ॥
ग्रामे नगरे समस्तराष्ट्रे ...
मूलशिला सम्भाषणमस्य
हिन्दुजनैक्यं शिखरमुन्नतम्
सोपानं श्रवणादिविधानम्
रचयेम संस्कृतभवनम् | रचयेम संस्कृतभवनम् ॥
ग्रामे नगरे समस्तराष्ट्रे ...
Surasa subodhA (सुरससुबोधा)
Lyrics
सुरससुबोधा विश्वमनोज्ञा
ललिता हृद्या रमणीया।
अमृतवाणी संस्कृतभाषा
नैव क्लिष्टा न च कठिना। नैव क्लिष्टा ... ॥
कविकोकिल-वाल्मीकि-विरचिता
रामायणरमणीय कथा।
अतीव-सरला मधुरमंजुला
नैव क्लिष्टा न च कठिना। नैव क्लिष्टा ... ॥
व्यासविरचिता गणेशलिखिता
महाभारते पुण्यकथा।
कौरव-पाण्डव-संरमथिता
नैव क्लिष्टा न च कठिना। नैव क्लिष्टा ... ॥
कुरूक्षेत्र-समरांगण-गीता
विश्ववन्दिता भगवद्गीता
अमृतमधुरा कर्मदीपिका
नैव क्लिष्टा न च कठिना। नैव क्लिष्टा ... ॥
कविकुलगुरू-नव-रसोन्मेषजा
ऋतु-रघु-कुमार-कविता।
विक्रम-शाकुन्तल-मालविका
नैव क्लिष्टा न च कठिना। नैव क्लिष्टा ... ॥
ManasA satatam smaraNeeyam (मनसा सततं स्मरणीयम्)
Lyrics
मनसा सततम् स्मरणीयम्
वचसा सततम् वदनीयम्
लोकहितम् मम करणीयम्
लोकहितम् मम करणीयम् ॥
न भोग भवने रमणीयम्
न च सुख शयने शयनीयम्
अहर्निशम् जागरणीयम्
लोकहितम् मम करणीयम्
लोकहितम् मम करणीयम् ॥
न जातु दुःखम् गणनीयम्
न च निज सौख्यम् मननीयम्
कार्य क्षेत्रे त्वरणीयम्
लोकहितम् मम करणीयम्
लोकहितम् मम करणीयम् ॥
दुःख सागरे तरणीयम्
कष्ट पर्वते चरणीयम्
विपत्ति विपिने भ्रमणीयम्
लोकहितम् मम करणीयम्
लोकहितम् मम करणीयम् ॥
गहनारण्ये घनान्धकारे
बन्धु जना ये स्थिता गह्वरे
तत्र मया सन्चरणीयम्
लोकहितम् मम करणीयम्
लोकहितम् मम करणीयम् ॥